Набла оператор

Набла оператор (Гамильтон операторĕ) — векторла дифференциаллă оператор, унăн компоненчĕсем координатсем тĕлĕшпе харпăр тăхăмсем пулса тăраççĕ, ăна хăйне ∇ (набла) символпа паллă тăваççĕ. Ят та çавăнтанах тухнă, паллах.

Виçĕ виçеллĕ тата Евклидла уçлăхшăн координатсен тÿр кĕтеслĕ Декартла тытăмĕнче набла оператора çапла палăртаççĕ:

$\mathrm{\nabla }=\frac{\partial }{\partial x}\overrightarrow{i}+\frac{\partial }{\partial y}\overrightarrow{j}+\frac{\partial }{\partial z}\overrightarrow{k}$,

кунта $\overrightarrow{i},\overrightarrow{j},\overrightarrow{k}$ — $x,y,z$ тĕнĕлсем тĕлĕшпе умлăн-хыçлăн пĕрчĕлле векторсем пулса тăраççĕ. Çавăн пекех набла оператора компонентсем урлă ак çакăн пек те кăтартаççĕ:

$\mathrm{\nabla }=\{\frac{\partial }{\partial x},\frac{\partial }{\partial y},\frac{\partial }{\partial z}\}$.